Komuniteti i traditës së gjallë në Tropojë na frymëzon.

Edhe gjatë pandemisë, puna ka vijuar falë teknologjisë dhe mbështetjes së partnerëve lokalë @Mary Ward Loreto.

Kjo na mundësoi zhvillimin e aktiviteteve të radhës këtë javë në Bajram Curri me aktorë të ndryshëm të zinxhirit të vlerave: komunitetin e grave artizane të Rajës, Cërnicës e Bajram Currit, të rinjve, mësuesve e drejtorive arsimore të Bajram Currit, Hasit dhe Kukësit, si dhe përfaqësueses të këshillit bashkiak të Bajram Currit.

Aktivitetet me gratë artizane u përqëndruan në aftësimin e mëtejshëm teknik të tyre, përfundimin e produkteve dhe kujdesin për produktet deri në nxjerrjen në treg.

Të rinjtë u trajnuan mbi promovimin e traditës dhe shitjet online. Përfshirja e të rinjve në projekt synon jo vetëm pajisjen e tyre me aftësi digjitale e marketuese, por edhe afrimin e tyre me traditën, historinë, mitet e legjendat, duke i kthyer të rinjtë në ambasadorë të traditës së Tropojës. Komuniteti I mësuesve u angazhua për përçimin e mesazhit të projektit dhe përfshirjen e më shumë të rinjve në njohjen dhe promovimin e traditës.