Thirrje Interesi për Ekspertë të Kurrikulës

Tiranë, më 13/12/2024

Lënda: Thirrje Interesi për angazhimin e Ekspertëve të Kurrikulës në kuadër të projektit “Udhëtim Drejt Punësimit” mbështetur nga UNICEF Albania.

Referenca e projektit: “Udhëtim drejt punësimit”, Qendra për Aftësi Konkurruese, numri i kontratës: ALB/PCA202233/PD2024171, Datë: 11/12/2024

Në kuadër të projektit “Udhëtim drejt punësimit”, Qendra për Aftësi Konkurruese (anglisht: Center for Competitive Skills), shpall njoftim për shërbimin:

Ekspertë të Kurrikulës

Ekspertët e kurrikulës do të angazhohen gjatë periudhës dhjetor 2024 – qershor 2025 dhe do të jenë përgjegjës për:

• Hartimin e programit kurrikular dhe përcaktimin e rezultateve të të nxënit për secilin modul.
• Zhvillimin e përmbajtjes teorike, praktike dhe digjitale për secilin modul.
• Bashkëpunimin me ekipin e projektit për të garantuar përputhshmërinë me objektivat e projektit dhe nevojat e grupeve përfituese.
• Dorëzimin e materialeve të përfunduara dhe të strukturuara sipas afateve të dakorduara.

Ekspertët do të hartojnë përmbajtjen për 8 module, si më poshtë:

Moduli	Titulli
Moduli 1	Aftësi të Komunikimit dhe Etikës
Moduli 2	Aftësi të Thjeshta Financiare
Moduli 3	Aftësi Digjitale
Moduli 4	Aftësi të Gjelbra për Punë të Gjelbra
Moduli 5	Njohja e Vetvetes dhe Vendimmarrja
Moduli 6	Dokumentacioni Personal dhe Kontrata e Punës
Moduli 7	Aftësi për të Kërkuar Punë
Moduli 8	Siguria në Punë

Çdo ekspert do të jetë përgjegjës për hartimin dhe zhvillimin e të paktën dy moduleve.
Përafërsisht, përmbajtja do të shtrihet në një total prej 150–200 faqesh. Dorëzimi i materialeve duhet të realizohet brenda muajit mars 2025.

Kriteret profesionale të ekspertit të kërkuar (Termat e Referencës) janë si në vijim:

• Diplomë universitare në fushat: edukim, shkenca sociale, ekonomi, teknologji, mjedis, psikologji ose fusha të ngjashme (në përputhje me modulet që do të mbulojnë)
• Eksperiencë e mëparshme në hartimin e kurrikulave dhe materialeve trajnimi.
• Njohuri të mira të metodologjisë së të nxënit për të rritur dhe grupe vulnerabël.
• Aftësi për të punuar në mënyrë të pavarur dhe në grup, dhe për të përmbushur afatet.
• Përvoja me organizata jofitimprurëse apo projekte të financuara nga donatorë është avantazh.

Dosja e plotë e aplikimit duhet të përmbajë:

• CV-në në shqip ose anglisht
• Ofertë financiare

Procedurat e aplikimit:

Aplikimet mund të jenë në shqip ose anglisht. Kandidatët e interesuar janë të ftuar të dorëzojnë aplikimet e tyre në adresën e emailit: info@competitiveskills.org, ose pranë zyrave të organizatës në një zarf të mbyllur, ku të specifikohet:

1. Emri i aplikantit të interesuar
2. Adresa e aplikantit të interesuar;
3. Kodi i referencës për procedurën e sipër-përmendur të tenderit/pozicionin e aplikimit
4. Fjalët “Mos të hapet përpara fazës së hapjes së ofertave të tenderit”

për projektin “Rritja e aftësive të të rinjve për t’u integruar në arsim profesional dhe punësim”, në adresën e mëposhtme:

QENDRA PËR AFTËSI KONKURRUESE

Adresa: Rruga “Shyqyri Bërxolli”, pallati Aurora, kati 7, Ap. 28, Tiranë, Shqipëri

Aplikimet pranohen deri më 24.12.2024, brenda orës 16:00. Do të shqyrtohen vetëm aplikimet që mbërrijnë brenda këtij afati. Për më shumë informacion mbi dosjen e plotë të tenderit si dhe kërkesave dhe afateve të kohëzgjatjes së kontratës, referojuni Termave të Referencës së publikuar këtu në website, apo kërkoni një informacion më të plotë rreth dosjes së tenderit në adresën elektronike në vijim: info@competitiveskills.org.

Njoftim mbi shpalljen e fituesit për ekspertë kurrikule – Center For Competitive Skills