Thirrje Interesi për përzgjedhjen ofruesit të shërbimeve të dizajnit grafik dhe fotografisë

Tiranë, më 18.03.2025

Lënda: : Thirrje Interesi për përzgjedhjen ofruesit të shërbimeve të dizajnit grafik dhe fotografisë në kuadër të projektit “Bazat për sukses: Fuqizimi i të rriturve përmes aftësive themelore”

Referenca e projekti: “Bazat për sukses: Fuqizimi i të rriturve përmes aftësive themelore”, Qendra për Aftësi Konkurruese, financuar nga Bashkimi Evropian dhe zbatuar nga PNUD Shqipëri, Zyra Publike Suedeze e Punësimit dhe Fondacioni Shqiptar për të Drejtat e Personave me Aftësi të Kufizuara (FSHDPAK), në partneritet me Agjencinë Kombëtare të Punësimit dhe Aftësive (AKPA).

Në kuadër të projektit “Bazat për sukses: Fuqizimi i të rriturve përmes aftësive themelore”, Qendra për Aftësi Konkurruese (anglisht: Centre for Competitive Skills) shpall thirrjen për shërbimin:

 Ekspert i Dizajnit Grafik dhe Fotografisë

Subjekti i përzgjedhur do të mbështesë zhvillimin e identitetit vizual dhe përmbajtjes mediatike për aktivitetet e projektit. Ai/ajo do te jete përgjegjës për:

• Hartimin e logos së projektit, identitetit vizual dhe udhëzimeve të brand-it;
• Krijimin e banerëve, posterëve dhe materialeve vizuale për platformat e rrjeteve sociale (Facebook, Instagram, LinkedIn etj.);
• Realizimin e fotografive profesionale gjatë aktiviteteve të projektit, trajnimeve dhe angazhimeve në terren;
• Prodhimin dhe montazhin e materialeve video të shkurtra për qëllime promovuese dhe raportimi;
• Mbështetjen e pranisë online të projektit përmes përmbajtjes vizuale cilësore dhe të njëtrajtshme.
• Do të angazhohet për periudhën prill 2025- maj 2026

Kriteret profesionale qe duhet te përmbushë subjekti janë:

• Eksperiencë e provuar në dizajn grafik dhe brandim (logo, postera, përmbajtje për rrjete sociale etj.);
• Eksperiencë në fotografi dhe prodhim/montazh videosh (mbulim eventesh, video promovuese, intervista etj.);
• Eksperienca e mëparshme me projekte zhvillimore apo organizata joqeveritare përbën avantazh.

Dosja e plotë e aplikimit duhet të përmbajë:

• CV-në në shqip ose anglisht
• Ofertë financiare

Procedurat e aplikimit:

Aplikimet duhet të jenë në shqip ose anglisht dhe të përmbajnë ofertën financiare. Kandidatët e interesuar janë të ftuar të dorëzojnë aplikimet e tyre në adresën e emailit: info@competitiveskills.org, ose pranë zyrave të organizatës, ku oferta të jetë e vendosur në një zarf të mbyllur, ku të specifikohet:

1. Emri i aplikantit të interesuar
2. Adresa e aplikantit të interesuar;
3. Kodi i referencës për procedurën e sipër-përmendur të tenderit/pozicionin e aplikimit
4. Fjalët “Mos të hapet përpara fazës së hapjes së ofertave të tenderit”

për projektin “Bazat për sukses: Fuqizimi i të rriturve përmes aftësive themelore”, në adresën e mëposhtme:

QENDRA PËR AFTËSI KONKURRUESE

Adresa: Rruga “Shyqyri Bërxolli”, pallati Aurora, kati 7, ap.28, Tiranë, Shqipëri

Aplikimet pranohen deri më 15.04.2025, brenda orës 15:00. Do të shqyrtohen vetëm aplikimet që mbërrijnë brenda këtij afati.

Për më shumë informacion mbi dosjen e plotë të tenderit si dhe kërkesave dhe afateve të kohëzgjatjes së kontratës, referojuni Termave të Referencës së publikuar këtu në website, apo kërkoni një informacion më të plotë rreth dosjes së tenderit në adresën elektronike në vijim: info@competitiveskills.org.