Thirrje Interesi për ekspert të aftësive digjitale dhe mbështetje në përdorimin e platformës SchoolMe

Tiranë, më 12.05.2025

Lënda: Thirrje Interesi për ekspert të aftësive digjitale dhe mbështetje në përdorimin e platformës SchoolMe në kuadër të projektit “Bazat për sukses: Fuqizimi i të rriturve përmes aftësive themelore”

Referenca e projektit: “Bazat për sukses: Fuqizimi i të rriturve përmes aftësive themelore”, Qendra për Aftësi Konkurruese, Bashkia Tiranë, financuar nga Bashkimi Evropian dhe zbatuar nga PNUD Shqipëri, Zyra Publike Suedeze e Punësimit dhe Fondacioni Shqiptar për të Drejtat e Personave me Aftësi të Kufizuara (FSHDPAK), në partneritet me Agjencinë Kombëtare të Punësimit dhe Aftësive (AKPA).

Në kuadër të projektit “Bazat për sukses: Fuqizimi i të rriturve përmes aftësive themelore”, Qendra për Aftësi Konkurruese shpall këtë thirrje interesi për përzgjedhjen e një eksperti për aftësi digjitale dhe mbështetje në përdorimin e platformës SchoolMe, për nevojat e zbatimit të komponentit digjital të projektit.

Ky angazhim realizohet në kuadër të zërit buxhetor “Teachers (literacy, math, digital)”, specifikisht për nën-komponentin e aftësive digjitale dhe mbështetjes teknike/praktike për përdorimin e platformës SchoolMe.

Eksperti do të angazhohet gjatë periudhës qershor 2025 – maj 2026, sipas kalendarit të grupeve dhe nevojave të projektit, në qendra të ndryshme komunitare, sociale dhe/ose institucione partnere në Tiranë dhe Shkodër, ku do të zhvillohen programet 4-mujore të trajnimit.

Eksperti do të jetë përgjegjës për:

• kontrollin e funksionalitetit të tabletave dhe pajisjeve digjitale që do të përdoren gjatë sesioneve;
• verifikimin që platforma SchoolMe është e instaluar, e aksesueshme dhe funksionale në pajisjet përkatëse;
• krijimin, verifikimin ose asistimin në përdorimin e llogarive të pjesëmarrësve në platformë;
• prezantimin e funksioneve bazë të platformës SchoolMe, përfshirë hyrjen, navigimin dhe përdorimin e moduleve;
• demonstrimin e përdorimit të tabletit për akses në platformë;
• asistimin e pjesëmarrësve gjatë ushtrimeve praktike dhe përdorimit të materialeve digjitale;
• zgjidhjen e problematikave teknike që lidhen me hyrjen në platformë, lidhjen me internetin, përdorimin e aplikacionit ose pajisjeve;
• përshtatjen e asistencës sipas nivelit të ndryshëm të aftësive digjitale të pjesëmarrësve;
• dhënien e këshillave praktike për përdorimin më efikas të tabletave dhe platformës SchoolMe;
• koordinimin me ekipin e projektit për ecurinë e komponentit digjital;
• raportimin mbi punën e kryer dhe dorëzimin e dokumentacionit mbështetës, përfshirë timesheet-et dhe raportin e ekspertit.

Eksperti do të ofrojë mbështetje për grupe të ndryshme pjesëmarrësish në qendra komunitare dhe sociale në Tiranë dhe Shkodër. Programet e trajnimit zhvillohen në cikle 4-mujore dhe për këtë arsye angazhimi do të realizohet në mënyrë të shpërndarë, sipas kalendarit të miratuar nga Qendra për Aftësi Konkurruese dhe sipas nevojave konkrete të secilit grup.

Volumi i parashikuar i angazhimit është deri në 176 orë pune, të cilat do të dokumentohen përmes timesheet-eve përkatëse. Pagesa do të kryhet vetëm për orët faktike të realizuara dhe të miratuara nga Qendra për Aftësi Konkurruese.

Kriteret profesionale të ekspertit të kërkuar janë si në vijim:

• Diplomë universitare në teknologji informacioni, inxhinieri informatike, shkenca kompjuterike, teknologji komunikimi, edukim digjital ose fusha të ngjashme.
• Eksperiencë profesionale në teknologji informacioni, administrim sistemesh, platforma digjitale, mbështetje teknike ose trajnime në fushën digjitale.
• Eksperiencë në ofrimin e asistencës praktike për përdorues me nivele të ndryshme të aftësive digjitale.
• Aftësi për të shpjeguar në mënyrë të thjeshtë dhe praktike përdorimin e pajisjeve, aplikacioneve dhe platformave digjitale.
• Aftësi komunikimi dhe bashkëpunimi me pjesëmarrës, staf projekti dhe qendra komunitare.
• Eksperienca me platforma mësimore digjitale, trajnime për të rritur ose grupe vulnerabël përbën avantazh.
• Disponueshmëri për të ofruar shërbimin në qendra të ndryshme komunitare/sociale në Tiranë dhe Shkodër, sipas kalendarit të programeve 4-mujore të projektit.

Procedurat e aplikimit:

Aplikimet duhet të jenë në shqip ose anglisht dhe të përmbajnë CV dhe ofertën financiare. Kandidatët e interesuar janë të ftuar të dorëzojnë aplikimet e tyre në adresën e emailit: info@competitiveskills.org, ose pranë zyrave të organizatës, ku oferta të jetë e vendosur në një zarf të mbyllur, ku të specifikohet:

1. Emri i aplikantit të interesuar
2. Adresa e aplikantit të interesuar;
3. Kodi i referencës për procedurën e sipër-përmendur të tenderit/pozicionin e aplikimit
4. Fjalët “Mos të hapet përpara fazës së hapjes së ofertave të tenderit”

për projektin “Bazat për sukses: Fuqizimi i të rriturve përmes aftësive themelore”, në adresën e mëposhtme:

QENDRA PËR AFTËSI KONKURRUESE

Adresa: Rruga “Shyqyri Bërxolli”, pallati Aurora, kati 7, ap.28, Tiranë, Shqipëri

Aplikimet pranohen deri më 23.05.2025, brenda orës 15:00. Do të shqyrtohen vetëm aplikimet që mbërrijnë brenda këtij afati.

Për më shumë informacion mbi dosjen e plotë të tenderit si dhe kërkesave dhe afateve të kohëzgjatjes së kontratës, referojuni Termave të Referencës së publikuar këtu në website, apo kërkoni një informacion më të plotë rreth dosjes së tenderit në adresën elektronike në vijim: info@competitiveskills.org.