Thirrje Interesi për pozicionin e “Ekspert/koordinator për komponentin e turizmit dhe guidës turistike”, në ndihmë të realizimit të projektit “Rritja e aftësive të të rinjve për t’u integruar në arsim profesional dhe punësim” mbështetur nga UNICEF, e financuar nga qeveria italiane.
Komentet te Thirrje Interesi për pozicionin e “Ekspert/koordinator për komponentin e turizmit dhe guidës turistike”, në ndihmë të realizimit të projektit “Rritja e aftësive të të rinjve për t’u integruar në arsim profesional dhe punësim” mbështetur nga UNICEF, e financuar nga qeveria italiane. Janë të Mbyllura
Thirrje Interesi për pozicionin e “Ekspert/koordinator për komponentin e turizmit dhe guidës turistike”, në ndihmë të realizimit të projektit “Rritja e aftësive të të rinjve për t’u integruar në arsim profesional dhe punësim” mbështetur nga UNICEF, e financuar nga qeveria italiane.
Lënda: Thirrje Interesi për pozicionin e “Ekspert/koordinator për komponentin e turizmit dhe guidës turistike”, në ndihmë të realizimit të projektit “Rritja e aftësive të të rinjve për t’u integruar në arsim profesional dhe punësim” mbështetur nga UNICEF, e financuar nga qeveria italiane.
Referenca e projektit: “Rritja e aftësive të të rinjve për t’u integruar në arsim profesional dhe punësim”, Qendra për Aftësi Konkurruese, numri i kontratës: ALB/PCA/202233/PD202245, Datë: 14/07/2022
Në kuadër të projektit “Rritja e aftësive të rinjve për t’u integruar në arsim profesional dhe punësim”, me numër kontrate ALB/PCA/202233/PD202245, organizuar në kuadër të programit “Qëndro” mbështetur nga UNICEF, e financuar nga qeveria italiane, Qendra për Aftësi Konkurruese (anglisht: Center for Competitive Skills), shpall njoftim për vend pune në pozicionin:
EKSPERT/KOORDINATOR PËR KOMPONENTIN E TURIZMIT DHE GUIDËS TURISTIKE
Pozicioni i punës: Ekspert/Koordinator për komponentin e turizmit dhe guidës turistike për të përfaqësuar CCS në shkolla dhe aktivitete, duke u fokusuar në koordinimin dhe menaxhimin e aktiviteteve të projektit. Eksperti do të punojë ngushtë me menaxherin e projektit dhe stafin tjetër të projektit për të siguruar zbatimin e suksesshëm të aktiviteteve që lidhen me koordinimin dhe menaxhimin.
Eksperti do të jetë përgjegjës për sa më poshtë:
Merr pjesë në aktivitete sipas planit të dakordësuar paraprakisht me menaxherin e projektit;
Mbledh listëprezencat e nxënësve pjesëmarrës, lejet prindërore, formularët e rimbursimit të transportit të nxënësve, siguron plotësimin e listëprezencës nga mësuesit pjesëmarrës në akivitet, etj. ;
Dorëzon tek koordinatori i përgjithshëm i projektit të gjithë dokumentacionin e mbledhur gjatë aktivitetit në përfundim të tij, ose maksimalisht dy ditë pas përfundimit të aktivitetit;
Koordinohet me stafin e projektit për aspektet logjistike të aktiviteteve,(ushqim, transport, materiale)
Mbikëqyr mbarëvajtjen e aktiviteteve ku merr pjesë;
Siguron ndjekjen me përpikëri të projektit, moduleve sipas programit nga mësuesit në shkolla, si dhe sigurohet për cilësinë e përgjithshme të aktiviteteve ku merr pjesë;
Shërben si backstopper dhe mbështetje për mësuesit gjatë aktiviteteve në shkollë dhe jashtë saj;
Përgatit materiale dhe zhvillon/moderon modulet e ndryshme, me fokus në turizëm, guidë turistike, njohjen e qytetit dhe siteve historike të Shqipërisë, lojëra dhe fokus grupe me nxënësit;
Sjell feedback mbi ecurinë e aktiviteteve pas çdo aktiviteti dhe përgatit raporte sipas kërkesave të projektit;
Siguron përfshirjen e nxënësve në veprimtari, këshillim dhe mbështetje psikologjike sipas rastit;
Sigurohet për zbatimin dhe ndjekjen e parimeve dhe vlerave të CCS në terren;
Bashkëpunon me koordinatorin e përgjithshëm të projektit, stafin drejtues, mësuesit dhe kolegët për të siguruar mbarëvajtjen e projektit;
Merr pjesë në të gjithë trajnimet dhe veprimtaritë e ndryshme të projektit;
Kriteret profesionale të ekspertit të kërkuar (Termat e Referencës) janë si në vijim:
Eksperiencë pune në turizëm, guidë turistike, ose një fushë e ngjashme.
Aftësi të shkëlqyera komunikimi dhe ndërpersonale për t’u angazhuar në mënyrë efektive me studentët, si dhe me stafin dhe ekspertët e CCS.
Përvojë pune me të rinjtë, eksperiencë në organizimin dhe zbatimin e programeve arsimore ose të fokusuara te të rinjtë.
Përvojë në koordinim, menaxhim projektesh ose fusha të ngjashme.
Aftësi të mira organizative dhe të jetë i aftë të punojë i pavarur dhe si pjesë e një ekipi.
Kreativitet dhe inovacion. Eksperti duhet të ketë një sy krijues dhe të jetë në gjendje të kapë thelbin e projektit dhe fëmijët e përfshirë.
Fleksibiliteti: për shkak se projekti zhvillohet në fundjava, duhet të ketë disponueshmëri të plotë në varësi të nevojave tona.
Preferohet të ketë leje drejtimi.
Dosja e plotë e aplikimit duhet të përmbajë:
CV-në në shqip ose anglisht
Procedurat e aplikimit:
Aplikimet mund të jenë në shqip ose anglisht. [EK1] Kandidatët e interesuar janë të ftuar të dorëzojnë aplikimet e tyre në adresën e emailit: info@competitiveskills.org, ose pranë zyrave të organizatës, në zarf të mbyllur ku të specifikohet:
Emri i aplikantit të interesuar
Pozicioni për të cilin aplikohet
Titulli i projektit “Rritja e aftësive të të rinjve për t’u integruar në arsim profesional dhe punësim”.
Adresa e CCS është si mëposhtë:
QENDRA PËR AFTËSI KONKURRUESE
Adresa: Rruga “Sulejman Pasha”, pallati 70/1, kati 2, Tiranë, Shqipëri
Aplikimet pranohen deri më 21.09.2022, brenda orës 16:00. Vetëm aplikimet që mbërrijnë brenda këtij afati do tw konsiderohen.
