Procedura e prokurimit organizohet si Tender i Hapur dhe është e ndarë në shtatë (7) lote, që mbulojnë zona të ndryshme të Shqipërisë. Operatorët ekonomikë mund të paraqesin ofertë për një, disa ose të gjitha lotet, me kusht që të përmbushin kërkesat përkatëse.

Operatorët ekonomikë të interesuar ftohen të konsultojnë Dosjen e plotë të Tenderit bashkëlidhur këtij njoftimi, e cila përfshin Udhëzimet për Ofertuesit, Draft Kontratën e Shërbimit, Termat e Referencës, formularin e Organizimit & Metodologjisë, modelin e Ofertës Financiare/Buxhetit, Deklaratën e Nderit dhe Formularin e Dorëzimit të Ofertës.

Afati për dorëzimin e ofertave:

30 shtator 2026, ora 16:30

Ofertat mund të dorëzohen:

– elektronikisht, në përputhje me kërkesat për dorëzim të përcaktuara në Dosjen e Tenderit, në adresën info@competitiveskills.org; ose

– në kopje fizike, dorazi, me postë të regjistruar ose me shërbim korrieri në adresën:

Qendra për Aftësi Konkurruese (CCS)

Rr. “Shyqyri Bërxolli”, Pallati “Aurora”

Kati 7, Apartamenti nr. 28

Tiranë, Shqipëri

Të gjithë operatorët ekonomikë të interesuar duhet të shqyrtojnë me kujdes Dosjen e plotë të Tenderit dhe kërkesat për dorëzim përpara paraqitjes së ofertës. Procedura e plotë e tenderit dhe të gjitha dokumentet përkatëse gjenden bashkëlidhur më poshtë:

https://competitiveskills.org/downloads/Tender-Dossier-Event-092026.rar

Procedura e prokurimit organizohet si Tender i Hapur dhe është e ndarë në gjashtë (6) lote, që mbulojnë zona të ndryshme të Shqipërisë. Operatorët ekonomikë mund të paraqesin ofertë për një, disa ose të gjitha lotet, me kusht që të përmbushin kërkesat përkatëse.

Operatorët ekonomikë të interesuar ftohen të konsultojnë Dosjen e plotë të Tenderit bashkëlidhur këtij njoftimi, e cila përfshin Udhëzimet për Ofertuesit, Draft Kontratën e Shërbimit, Termat e Referencës, formularin e Organizimit & Metodologjisë, modelin e Ofertës Financiare/Buxhetit, Deklaratën e Nderit dhe Formularin e Dorëzimit të Ofertës.

Afati për dorëzimin e ofertave:

30 shtator 2026, ora 16:30

Ofertat mund të dorëzohen:

– elektronikisht, në përputhje me kërkesat për dorëzim të përcaktuara në Dosjen e Tenderit, në adresën info@competitiveskills.org; ose

– në kopje fizike, dorazi, me postë të regjistruar ose me shërbim korrieri në adresën:

Qendra për Aftësi Konkurruese (CCS)

Rr. “Shyqyri Bërxolli”, Pallati “Aurora”

Kati 7, Apartamenti nr. 28

Tiranë, Shqipëri

Të gjithë operatorët ekonomikë të interesuar duhet të shqyrtojnë me kujdes Dosjen e plotë të Tenderit dhe kërkesat për dorëzim përpara paraqitjes së ofertës.

Procedura e plotë e tenderit dhe të gjitha dokumentet përkatëse gjenden në linkun në vijim:

https://competitiveskills.org/downloads/Tender-Dossier-Accom-092026.rar

Procedura e prokurimit zhvillohet si Tender i Hapur. Kontrata do të zbatohet mbi bazën e çmimeve për njësi, me furnizimet që do të kërkohen dhe dorëzohen në përputhje me nevojat faktike dhe planin e aktiviteteve të Autoritetit Kontraktor.

Operatorët ekonomikë të interesuar ftohen të konsultojnë Dosjen e plotë të Tenderit bashkëlidhur këtij njoftimi, e cila përfshin Udhëzimet për Ofertuesit, Draft Kontratën e Shërbimit, Termat e Referencës, formularin e Organizimit & Metodologjisë, modelin e Ofertës Financiare/Buxhetit, Deklaratën e Nderit dhe Formularin e Dorëzimit të Ofertës.

Afati për dorëzimin e ofertave:

29 shtator 2026, ora 16:30

Ofertat mund të dorëzohen:

– elektronikisht, në përputhje me kërkesat për dorëzim të përcaktuara në Dosjen e Tenderit, në adresën info@competitiveskills.org; ose

– në kopje fizike, dorazi, me postë të regjistruar ose me shërbim korrieri në adresën:

Qendra për Aftësi Konkurruese (CCS)

Rr. “Shyqyri Bërxolli”, Pallati “Aurora”

Kati 7, Apartamenti nr. 28

Tiranë, Shqipëri

Të gjithë operatorët ekonomikë të interesuar duhet të shqyrtojnë me kujdes Dosjen e plotë të Tenderit dhe kërkesat për dorëzim përpara paraqitjes së ofertës.

Procedura e plotë e tenderit dhe të gjitha dokumentet përkatëse gjendet në link-un në vijim:

https://competitiveskills.org/downloads/Tender-Dossier-Stationary-092026.rar

Personi i përzgjedhur do të koordinojë planifikimin, zbatimin dhe monitorimin e aktiviteteve, do të ndjekë arritjen e objektivave dhe do të bashkërendojë punën me mësuesit, psikologët, punonjësit socialë dhe mentorët. Pozicioni kërkon udhëtime në Tiranë, Shkodër dhe në shkollat e bashkitë e caktuara.

Kërkesat kryesore

• Diplomë universitare në një fushë relevante;
• Të paktën 3 vjet përvojë profesionale, përfshirë koordinimin ose zbatimin e projekteve;
• Aftësi të mira planifikimi, komunikimi, monitorimi dhe raportimi;
• Njohuri shumë të mira të shqipes, njohuri të mira të anglishtes dhe të mjeteve kompjuterike;
• Gatishmëri për punë në ekip dhe udhëtime të rregullta.

Si të aplikoni

Dërgoni CV-në dhe letrën e motivimit, së bashku me dokumente mbështetëse sipas rastit, në info@competitiveskills.org, me subjekt: “Aplikim – Koordinator projekti dhe mentorimi”, ose dorëzojini fizikisht pranë zyrës së Qendrës për Aftësi Konkurruese, në adresën: Rruga “Shyqyri Bërxolli”, Pallati Aurora, Kati 7, Ap. 28, Tiranë, Shqipëri.

Afati i aplikimit: 18 Shtator 2026, ora 17:00.

Thirrja është e hapur për kandidatë të brendshëm dhe të jashtëm. Vetëm kandidatët e përzgjedhur në listën e shkurtër do të kontaktohen për intervistë.

Për detyrat, kriteret, kushtet e angazhimit dhe procedurën e përzgjedhjes, konsultoni Termat e Referencës më poshtë.

THIRRJE E HAPUR PËR APLIKIM

Specialist për Komunikimin dhe Vizibilitetin e Projektit

Qendra për Aftësi Konkurruese – Center for Competitive Skills (CCS), në kuadër të zbatimit të një projekti të mbështetur nga Bashkimi Evropian dhe UNICEF-i, shpall thirrjen e hapur për përzgjedhjen e një:

Specialisti për Komunikimin dhe Vizibilitetin e Projektit (Communications Officer)

Specialisti do të jetë përgjegjës për planifikimin, koordinimin dhe zbatimin e aktiviteteve të komunikimit, promovimit dhe vizibilitetit të projektit në nivel vendor dhe kombëtar, duke siguruar përputhshmërinë me kërkesat e Bashkimit Evropian, IPA III dhe UNICEF-it.

Detyrat kryesore

Specialisti do të jetë përgjegjës për:

• hartimin dhe zbatimin e planit të komunikimit dhe vizibilitetit të projektit;
• koordinimin e aktiviteteve të komunikimit me ekipin e projektit dhe UNICEF-in;
• përgatitjen e kalendarit editorial dhe menaxhimin e përmbajtjes në faqen e internetit dhe rrjetet sociale të CCS-së;
• përgatitjen e postimeve, njoftimeve, artikujve, intervistave dhe historive të suksesit;
• dokumentimin e aktiviteteve dhe rezultateve përmes fotografive, videove dhe materialeve nga terreni;
• koordinimin e përgatitjes dhe shpërndarjes së videove, infografikave, buletineve dhe materialeve promovuese;
• sigurimin e përdorimit të saktë të logove, deklaratave të financimit dhe elementeve të vizibilitetit;
• mbështetjen e komunikimit dhe mbulimit mediatik të aktiviteteve të projektit;
• monitorimin e performancës së publikimeve dhe fushatave të komunikimit;
• mirëmbajtjen e arkivës elektronike të materialeve të komunikimit;
• respektimin e kërkesave për mbrojtjen e fëmijëve, konfidencialitetin dhe mbrojtjen e të dhënave personale.

Profili i kërkuar

Kandidatët duhet të plotësojnë kriteret e mëposhtme:

• diplomë universitare në komunikim, gazetari, marrëdhënie me publikun, marketing, shkenca sociale, administrim biznesi ose fusha të ngjashme;
• të paktën 3 vjet përvojë profesionale relevante;
• përvojë në komunikim, marrëdhënie me publikun, marketing ose menaxhim të rrjeteve sociale;
• përvojë në përgatitjen e përmbajtjes për faqe interneti, rrjete sociale dhe materiale promovuese;
• aftësi shumë të mira shkrimi dhe komunikimi;
• njohuri të mira të gjuhës angleze;
• njohuri të mira të Microsoft Office dhe mjeteve digjitale të komunikimit;
• aftësi organizative dhe gatishmëri për pjesëmarrje në aktivitetet e projektit;
• integritet profesional dhe respektim të kërkesave për konfidencialitetin dhe mbrojtjen e të dhënave.

Përvoja në projekte të financuara nga Bashkimi Evropian, UNICEF-i ose donatorë të tjerë do të konsiderohet avantazh.

Dokumentacioni i aplikimit

Kandidatët e interesuar duhet të paraqesin:

• CV të përditësuar;
• letër motivimi;
• dokumente mbështetëse që dëshmojnë kualifikimet dhe përvojën profesionale;
• portofol ose lidhje me materiale të mëparshme komunikimi, nëse disponohen.

Kandidatët e përzgjedhur në listën e shkurtër ose të rekomanduar për kontraktim mund të kërkohen të paraqesin dokumentacion shtesë për verifikimin e arsimit, eksperiencës profesionale dhe referencave.

Përpara nënshkrimit të kontratës, kandidatët fitues do të nënshkruajnë deklaratën e Kodit të Sjelljes, si dhe do t’i nënshtrohen verifikimit të referencave dhe dokumentacionit të paraqitur.

Periudha e angazhimit

Angazhimi do të fillojë në datën e përcaktuar në kontratën individuale dhe do të vazhdojë deri më 9 tetor 2027.

Mënyra dhe afati i aplikimit

Aplikimet duhet të dërgohen deri më: 27 korrik 2026, ora 17:00 në adresën elektronike: info@competitiveskills.org me subjekt: “Aplikim – Specialist për Komunikimin dhe Vizibilitetin e Projektit”

Aplikimet mund të dorëzohen edhe fizikisht në adresën:

Qendra për Aftësi Konkurruese
Rruga “Shyqyri Bërxolli”, Pallati Aurora, Kati 7, Ap. 28
Tiranë, Shqipëri

Aplikimet e dorëzuara pas afatit mund të mos merren në konsideratë. Vetëm kandidatët e përzgjedhur në listën e shkurtër do të kontaktohen për intervistë.

Për informacion të plotë mbi detyrat, kriteret e kualifikimit dhe procedurën e aplikimit, ju lutemi konsultoni Termat e Referencës bashkëngjitur këtij njoftimi.

THIRRJE E HAPUR PËR APLIKIM

Dy pozicione: Koordinator për Mentorimin dhe Mbështetjen e Shkollave

Qendra për Aftësi Konkurruese – Center for Competitive Skills (CCS), në kuadër të zbatimit të një projekti të mbështetur nga Bashkimi Evropian dhe UNICEF-i, shpall thirrjen e hapur për përzgjedhjen e: dy Koordinatorëve për Mentorimin dhe Mbështetjen e Shkollave

Koordinatorët do të mbështesin zbatimin e aktiviteteve të projektit në shkollat dhe bashkitë e përfshira, duke siguruar koordinimin e vazhdueshëm ndërmjet ekipit të projektit, shkollave, mësuesve, mentorëve, strukturave vendore të arsimit dhe komuniteteve.

Njëri Koordinator do të mbulojë kryesisht shkollat dhe bashkitë e grupuara në zonën veriore, ndërsa Koordinatori tjetër do të mbulojë kryesisht zonën jugore. Pozicionet janë të vendosura pranë zyrës së CCS-së në Tiranë dhe përfshijnë udhëtime të rregullta në shkollat dhe bashkitë e projektit.

Detyrat kryesore

Koordinatorët do të jenë përgjegjës për:

• hartimin dhe përditësimin e planeve të punës dhe kalendarëve të aktiviteteve;
• koordinimin me shkollat, mësuesit, mentorët, institucionet vendore dhe ekipin e projektit;
• mbështetjen e organizimit të trajnimeve, workshop-eve, sesioneve të mentorimit dhe vizitave monitoruese;
• ofrimin e mbështetjes së vazhdueshme për mësuesit dhe edukatorët;
• monitorimin e cilësisë dhe ecurisë së aktiviteteve në shkolla;
• mbledhjen, verifikimin dhe sistemimin e të dhënave dhe dokumentacionit të projektit;
• përgatitjen e raporteve periodike mbi progresin, rezultatet, problematikat dhe rekomandimet;
• mbështetjen e aktiviteteve me nxënës, prindër, komunitete dhe përfaqësues të sektorit privat;
• identifikimin dhe dokumentimin e historive të suksesit, praktikave të mira dhe mësimeve të nxjerra;
• lehtësimin e shkëmbimit të eksperiencave dhe të nxënit mes kolegëve ndërmjet shkollave.

Detyrat e detajuara të pozicionit përcaktohen në Termat e Referencës të miratuara nga CCS-ja.

Kriteret e kërkuara

Kandidatët duhet të plotësojnë kriteret e mëposhtme:

• diplomë universitare, të paktën në nivelin Bachelor, në shkenca sociale, edukim, menaxhim, administrim publik, ekonomi, komunikim, zhvillim komunitar ose fusha të ngjashme;
• të paktën 3 vjet eksperiencë profesionale relevante;
• eksperiencë në koordinimin ose zbatimin e projekteve në fushën e arsimit, aftësive për jetën, orientimit për karrierën, zhvillimit të të rinjve, përfshirjes sociale ose zhvillimit komunitar;
• eksperiencë në bashkëpunimin me shkolla, mësues, institucione publike, organizata jofitimprurëse ose komunitete vendore;
• aftësi të mira organizative, planifikuese, koordinuese dhe raportuese;
• njohuri shumë të mira të gjuhës shqipe dhe njohuri të mira të gjuhës angleze;
• njohuri të mira të paketës Microsoft Office dhe mjeteve të komunikimit online;
• gatishmëri për udhëtime të rregullta në bashkitë dhe shkollat e projektit;
• integritet profesional, paanshmëri dhe përkushtim ndaj parimeve të mbrojtjes së fëmijëve dhe mosdiskriminimit.

Kriteret e plota të kualifikimit paraqiten në dokumentacionin e procedurës.

Dokumentacioni i aplikimit

Kandidatët e interesuar duhet të paraqesin:

• CV të përditësuar;
• letër motivimi;
• dokumente të tjera mbështetëse që dëshmojnë kualifikimet dhe eksperiencën profesionale.

Në letrën e motivimit, kandidatët mund të shprehin preferencën për mbulimin e grupit verior ose jugor. Preferenca nuk përbën garanci për caktimin përfundimtar territorial.

Kandidatët e përzgjedhur në listën e shkurtër ose të rekomanduar për kontraktim mund të kërkohen të paraqesin dokumentacion shtesë për verifikimin e arsimit, eksperiencës profesionale dhe referencave.

Përpara nënshkrimit të kontratës, kandidatët fitues do të nënshkruajnë deklaratën e Kodit të Sjelljes dhe dokumentet përkatëse për mbrojtjen e fëmijëve, si dhe do t’i nënshtrohen verifikimit të referencave dhe dokumentacionit të paraqitur.

Mënyra dhe afati i aplikimit

Aplikimet duhet të dërgohen deri më: 27 korrik 2026, ora 17:00, në adresën elektronike: info@competitiveskills.org me subjekt: “Aplikim – Koordinator për Mentorimin dhe Mbështetjen e Shkollave”

Aplikimi mund të dorëzohet edhe fizikisht në adresën:

Qendra për Aftësi Konkurruese
Rruga “Shyqyri Bërxolli”, Pallati Aurora, Kati 7, Ap. 28
Tiranë, Shqipëri

Aplikimet e dorëzuara pas përfundimit të afatit mund të mos merren në konsideratë. Vetëm kandidatët e përzgjedhur në listën e shkurtër do të kontaktohen për intervistë.

Procedura është e hapur për kandidatë të brendshëm dhe të jashtëm, të cilët do të vlerësohen në mënyrë të barabartë, transparente dhe konkurruese.

Për informacion të plotë mbi detyrat, kriteret e kualifikimit, dokumentacionin dhe procedurën e aplikimit, ju lutemi konsultoni Termat e Referencës bashkëngjitur këtij njoftimi.

Lënda: Thirrje Interesi për ofrimin e shërbimeve të akomodimit me mëngjes dhe darkë në kuadër të projektit “Bazat për sukses: Fuqizimi i të rriturve përmes aftësive themelore”

Referenca e projekti: “Bazat për sukses: Fuqizimi i të rriturve përmes aftësive themelore”, Qendra për Aftësi Konkurruese, Bashkia Tiranë, financuar nga Bashkimi Evropian dhe zbatuar nga PNUD Shqipëri, Zyra Publike Suedeze e Punësimit dhe Fondacioni Shqiptar për të Drejtat e Personave me Aftësi të Kufizuara (FSHDPAK), në partneritet me Agjencinë Kombëtare të Punësimit dhe Aftësive (AKPA).

Në kuadër të projektit “Bazat për sukses: Fuqizimi i të rriturve përmes aftësive themelore”, Qendra për Aftësi Konkurruese (anglisht: Centre for Competitive Skills) shpall thirrjen për ofrimin e shërbimeve të akomodimit, përfshirë mëngjesin dhe darkën për periudhën janar – maj 2026, për pjesëmarrësit e aktivitetet e trajnimit dhe workshop-it që do të zhvillohen.

Shërbimet do të ofrohen për një total maksimal prej 22 personash, sipas kategorive të mëposhtme të dhomave:

• Dhoma teke
• Dhoma dopjo
• Dhoma për tre persona

Akomodimi duhet të përfshijë fjetje, mëngjes dhe darkë.

Shërbimet do të ofrohen sipas një kalendari të përcaktuar nga CCS, në bazë të ditëve dhe numrit të pjesëmarrësve për secilin aktivitet gjatë periudhës janar – maj 2026. Sasia e përmendur është maksimale dhe e shpërndarë në disa aktivitete, sipas nevojave të projektit.

Procedurat e aplikimit:

Aplikimet duhet të jenë në shqip ose anglisht dhe të përmbajnë ofertën financiare. Kandidatët e interesuar janë të ftuar të dorëzojnë aplikimet e tyre në adresën e emailit: info@competitiveskills.org, ose pranë zyrave të organizatës, ku oferta të jetë e vendosur në një zarf të mbyllur, ku të specifikohet:

1. Emri i aplikantit të interesuar
2. Adresa e aplikantit të interesuar;
3. Fjalët “Mos të hapet përpara fazës së hapjes së ofertave të tenderit”

për projektin “Bazat për sukses: Fuqizimi i të rriturve përmes aftësive themelore”, në adresën e mëposhtme:

QENDRA PËR AFTËSI KONKURRUESE

Adresa: Rruga “Shyqyri Bërxolli”, pallati Aurora, kati 7, ap.28, Tiranë, Shqipëri

Aplikimet pranohen deri më 15.01.2026 brenda orës 15:00. Do të shqyrtohen vetëm aplikimet që mbërrijnë brenda këtij afati.

Për më shumë informacion mbi dosjen e plotë të tenderit si dhe kërkesave dhe afateve të kohëzgjatjes së kontratës, referojuni Termave të Referencës së publikuar këtu në website, apo kërkoni një informacion më të plotë rreth dosjes së tenderit në adresën elektronike në vijim: info@competitiveskills.org.

Përshkrimi i punës dhe përgjegjësitë:

• Mbështetja në zbatimin e aktiviteteve të projektit, duke përfshirë monitorimin dhe vlerësimin.
• Menaxhimi i dokumentacionit të përditshëm të zyrës, përfshirë arkivimin dhe përgatitjen e materialeve të ndryshme.
• Planifikimi dhe organizimi i takimeve të brendshme dhe të jashtme, duke përfshirë përgatitjen e agjendave dhe marrjen e shënimeve.
• Mbështetja e stafit të projektit dhe drejtuesve të zyrës në detyra administrative dhe operacionale.
• Ndihmon Koordinatorin e Programit në zbatimin e aktiviteteve të projektit, duke përfshirë planifikimin, logjistikën, monitorimin dhe vlerësimin.
• Ndihmon në zhvillimin e raporteve të projektit, propozimeve dhe materialeve të tjera të shkruara sipas nevojës.
• Asiston në menaxhimin e platformave tona të rrjeteve sociale (Facebook, Instagram, LinkedIn), duke përfshirë krijimin dhe planifikimin e postimeve, përgjigjen ndaj mesazheve dhe komenteve dhe monitorimin e analizave.
• Bashkëpunim me ekipin për të zhvilluar dhe mbajtur marrëdhënie me palët e interesuara, duke përfshirë donatorët, partnerët dhe organizatat e tjera.
• Udhëheq planifikimin, zbatimin dhe mbylljen e projekteve sipas objektivave, buxhetit dhe afateve të miratuara nga donatori/organizata. 
• Detyra të tjera që mund t’i caktohen për mbarëvajtjen e punëve në zyrë, projekteve, si dhe menaxhimin e rrjeteve sociale.

Kriteret dhe aftësitë e kërkuara:

• Diplomë Bachelor në një fushë që i përket përshkrimit të pozicionit (ekonomik, finance, manaxhim, shkenca natyrore, etj.) ose përvojë pune ekuivalente. Diplomë Master është e preferueshme.
• Përvoja e mëparshme në administrim zyre ose role të ngjashme.
• Aftësi të shkëlqyera organizative, menaxhuese dhe të zgjidhjes së problemeve.
• Njohuri të mira në përdorimin e platformave të rrjeteve sociale dhe aftësi për të menaxhuar përmbajtje në këto platforma.
• Aftësi shumë të mira të komunikimit verbal dhe të shkruar në gjuhën shqipe dhe në anglisht.
• Aftësi për të punuar në mënyrë të pavarur dhe në ekip, për të marrë iniciativa dhe për të menaxhuar shumë detyra njëkohësisht.
• Përkushtim ndaj detajeve dhe aftësi për të punuar në mënyrë efektive nën presion të afateve.
• Njohuri mbi programe të ndryshme kompjuterike, kryesisht Microsoft Office, OneDrive;

Kushtet e punësimit: 

Ky pozicion është i vendosur në zyrën e CCS-së në Tiranë, dhe përfshin edhe udhëtime në rrethe te ndryshme pjesë e projektit.

Kandidatët e interesuar, duhet të dërgojnë me e-mail CV-në, si dhe dokumente mbështetëse të kualifikimeve/diplomave.

Afati për të aplikuar për pozicionin e Asistentit të Zyrës dhe të Projektit është data 21 Gusht 2025. CV dhe dokumentet shoqëruese duhet të dërgohen në adresën e email-it info@competitiveskills.org , nën subjektin “Aplikim për Asistent Projekti”, ose në zyrën tonë me adresë: në Rr. “Shyqyri Bërxolli”, pallati Aurora, Kati 7, Tiranë Shqipëri, brenda afatit të përcaktuar. Kandidatët e përzgjedhur për intervistë do të njoftohen deri më 28 Gusht 2025.

Lënda: Thirrje Interesi për ekspertë për mentorimin dhe motivimin e pjesëmarrësve në kuadër të projektit “Bazat për sukses: Fuqizimi i të rriturve përmes aftësive themelore”

Referenca e projektit: “Bazat për sukses: Fuqizimi i të rriturve përmes aftësive themelore”, Qendra për Aftësi Konkurruese, Bashkia Tiranë, financuar nga Bashkimi Evropian dhe zbatuar nga PNUD Shqipëri, Zyra Publike Suedeze e Punësimit dhe Fondacioni Shqiptar për të Drejtat e Personave me Aftësi të Kufizuara (FSHDPAK), në partneritet me Agjencinë Kombëtare të Punësimit dhe Aftësive (AKPA).

Në kuadër të projektit “Bazat për sukses: Fuqizimi i të rriturve përmes aftësive themelore”, Qendra për Aftësi Konkurruese (anglisht: Centre for Competitive Skills) shpall thirrjen për përzgjedhjen e ekspertëve për mentorimin dhe motivimin e pjesëmarrësve për nevojat e projektit, sipas detajimit më poshtë:

Ekspertët do të angazhohen gjatë periudhës gusht 2025 – maj 2026 dhe do të jenë përgjegjës për:

• Zhvillimin e punëtorive motivuese për të rritur vetëbesimin, vetë-disiplinën dhe dëshirën për të ndjekur punësimin apo arsimin;
• Lehtësimin e sesioneve interaktive si role-playing, sfida në grup dhe ushtrime reflektuese për zhvillimin e aftësive të buta si komunikimi, puna në ekip dhe qëndrueshmëria;
• Ofrimin e mentorimit të personalizuar për mbështetjen e vendosjes së objektivave dhe planifikimit për të ardhmen;
• Angazhimin në monitorim dhe dhënie feedback-u të vazhdueshëm, përfshirë mbështetjen në terren gjatë trajnimeve dhe sesione të strukturuara feedback-u pas çdo raundi;
• Bashkëpunimin me ekipin më të gjerë të mbështetjes për të siguruar përputhje mes ndërhyrjeve psikologjike, arsimore dhe motivuese.

Ekspertët e mentorimit dhe motivimit do të udhëheqin punëtori motivuese dhe sesione mentorimi me grupe prej 20–25 pjesëmarrësish, përgjatë tre raundeve. Këto sesione, të zhvilluara gjatë 7 ditëve për secilin grup, do të fokusohen në rritjen e motivimit, vetëdijes dhe aftësive të buta të pjesëmarrësve, si për zhvillimin personal ashtu edhe për atë profesional.

Kriteret profesionale të ekspertit të kërkuar janë si në vijim:

• Diplomë universitare në fushat: edukim, shkenca sociale, ekonomi, teknologji, mjedis, psikologji ose fusha të ngjashme. Diploma në fusha të tjera mund të pranohen nëse shoqërohen me përvojë të dokumentuar në fushën e mentorimit, motivimit dhe/ose trajnimet për të rritur.
• Eksperiencë e mëparshme me mentorimi dhe motivimin e grupeve të të rinjve, të papunëve, ose individëve në procese tranzicioni (arsim–punë).
• Njohuri të mira të metodologjisë së të nxënit për të rritur dhe grupe vulnerabël.
• Aftësi për të punuar në mënyrë bashkëpunuese me ekipe ndërdisiplinore (psikologë, këshilltarë karriere, trajnerë etj.).
• Kualifikime shtesë në trajnime motivuese, life coaching, mentorim ose fasilitim janë avantazh.

Dosja e plotë e aplikimit duhet të përmbajë:

•             CV-në në shqip ose anglisht

•             Ofertë financiare

Procedurat e aplikimit:

Aplikimet duhet të jenë në shqip ose anglisht dhe të përmbajnë CV dhe ofertën financiare. Kandidatët e interesuar janë të ftuar të dorëzojnë aplikimet e tyre në adresën e emailit: info@competitiveskills.org, ose pranë zyrave të organizatës, ku oferta të jetë e vendosur në një zarf të mbyllur, ku të specifikohet:

1. Emri i aplikantit të interesuar
2. Adresa e aplikantit të interesuar;
3. Kodi i referencës për procedurën e sipër-përmendur të tenderit/pozicionin e aplikimit
4. Fjalët “Mos të hapet përpara fazës së hapjes së ofertave të tenderit”

për projektin “Bazat për sukses: Fuqizimi i të rriturve përmes aftësive themelore”, në adresën e mëposhtme:

QENDRA PËR AFTËSI KONKURRUESE

Adresa: Rruga “Shyqyri Bërxolli”, pallati Aurora, kati 7, ap.28, Tiranë, Shqipëri

Aplikimet pranohen deri më 15.08.2025, brenda orës 15:00. Do të shqyrtohen vetëm aplikimet që mbërrijnë brenda këtij afati.

Për më shumë informacion mbi dosjen e plotë të tenderit si dhe kërkesave dhe afateve të kohëzgjatjes së kontratës, referojuni Termave të Referencës së publikuar këtu në website, apo kërkoni një informacion më të plotë rreth dosjes së tenderit në adresën elektronike në vijim: info@competitiveskills.org.

Njoftim mbi shpalljen e fituesit për ekspertë për mentorimin dhe motivimin e pjesëmarrësve – Center For Competitive Skills

Lënda: Thirrje Interesi për ofrimin e shërbimit të transportit ndërqytetas në Tiranë dhe/ose Shkodër në kuadër të projektit “Bazat për sukses: Fuqizimi i të rriturve përmes aftësive themelore”

Referenca e projekti: “Bazat për sukses: Fuqizimi i të rriturve përmes aftësive themelore”, Qendra për Aftësi Konkurruese, Bashkia Tiranë, financuar nga Bashkimi Evropian dhe zbatuar nga PNUD Shqipëri, Zyra Publike Suedeze e Punësimit dhe Fondacioni Shqiptar për të Drejtat e Personave me Aftësi të Kufizuara (FSHDPAK), në partneritet me Agjencinë Kombëtare të Punësimit dhe Aftësive (AKPA).

Në kuadër të projektit “Bazat për sukses: Fuqizimi i të rriturve përmes aftësive themelore”, Qendra për Aftësi Konkurruese (anglisht: Centre for Competitive Skills) shpall thirrjen për ofrimin e shërbimit të transportit ndërqytetas për periudhën gusht 2025 – maj 2026.

Kompania mund të aplikojë vetëm për Tiranën, vetëm për Shkodrën, ose për të dy qytetet.

Ofruesi do të angazhohet për të transportit ndërqytetas për pjesëmarrës në Tiranë dhe Shkodër, me një distancë prej rreth 50 km nga qendrat komunitare (100 km vajtje-ardhje). Shërbimi përfshin transport për udhëtime ndërqytetase, në kuadër të 3 raundeve të programit, me 2 aktivitete për çdo raund.

Për çdo aktivitet, pritet të transportohen rreth 47 pjesëmarrës në Tiranë dhe rreth 20 pjesëmarrës në Shkodër.

Shërbimi duhet të ofrohet sipas një kalendari të përcaktuar nga CCS, bazuar në ditët dhe sasinë e nevojshme për secilin aktivitet, brenda periudhës gusht 2025 – maj 2026. Sasia e përmendur është maksimale dhe e shpërndarë në disa aktivitete.

Kërkesat që duhet të përmbushë kompania:

1. Të jenë kompani të regjistruara dhe të licencuara për ofrimin e shërbimeve të transportit të pasagjerëve;.
   1. Të ofrojnë fleksibilitet në oraret dhe destinacionet e pjesëmarrësve, me mundësi për transport individual ose në grup.
   1. Të jetë e regjistruar me NIPT në Shqipëri.
   1. Të kenë kapacitet për të mbuluar të paktën njërin prej qyteteve: Tiranë ose Shkodër (opsionalisht të dyja).
   1. Të kenë përvojë në ofrimin e shërbimeve të ngjashme me organizata, institucione arsimore apo projekte sociale.

Procedurat e aplikimit:

Aplikimet duhet të jenë në shqip ose anglisht dhe të përmbajnë:

• Ofertën financiare pa TVSH (me çmim për transport për aktivitet, me një distancë transporti maksimal prej rreth 50 km (100 km vajtje-ardhje));
• Përshkrim të shërbimit dhe përvojës së mëparshme;
• Qytetin/et për të cilat aplikojnë (Tiranë, Shkodër ose të dyja).

Kandidatët e interesuar janë të ftuar të dorëzojnë aplikimet e tyre në adresën e emailit: info@competitiveskills.org, ose pranë zyrave të organizatës, ku oferta të jetë e vendosur në një zarf të mbyllur, ku të specifikohet:

1. Emri i aplikantit të interesuar
2. Adresa e aplikantit të interesuar;
3. Fjalët “Mos të hapet përpara fazës së hapjes së ofertave të tenderit”

për projektin “Bazat për sukses: Fuqizimi i të rriturve përmes aftësive themelore”, në adresën e mëposhtme:

QENDRA PËR AFTËSI KONKURRUESE

Adresa: Rruga “Shyqyri Bërxolli”, pallati Aurora, kati 7, ap.28, Tiranë, Shqipëri

Aplikimet pranohen deri më 16.06.2025, brenda orës 15:00. Do të shqyrtohen vetëm aplikimet që mbërrijnë brenda këtij afati.

Për më shumë informacion mbi dosjen e plotë të tenderit si dhe kërkesave dhe afateve të kohëzgjatjes së kontratës, referojuni Termave të Referencës së publikuar këtu në website, apo kërkoni një informacion më të plotë rreth dosjes së tenderit në adresën elektronike në vijim: info@competitiveskills.org.