Periudha e zbatimit: dhjetor 2025 – korrik 2026

Rajonet: Tirane, Vlore, Sarande, Shkoder, Durres, Elbasan, Berat

Në kuadër të përpjekjeve të vazhdueshme për të përmirësuar cilësinë dhe qëndrueshmërinë e arsimit dhe formimit profesional dual (AFP), projekti është duke zhvilluar dhe zbatuar një sistem të plotë për trajnimin, certifikimin dhe mbështetjen e mentorëve në kompani.

Një program kombëtar i standardizuar trajnimi është duke u hartuar për të pajisur mentorët me aftësitë e nevojshme për të udhëhequr dhe mbështetur praktikantët në mjediset reale të punës. Ky program do të shoqërohet me një manual dhe toolbox praktik për mentorët, që do të ofrojnë udhëzime të qarta për punën e përditshme dhe do të sigurojnë një qasje të unifikuar në të gjitha sektorët.

Për të garantuar cilësinë dhe njohjen formale të rolit të mentorit, janë duke u zhvilluar procedura të standardizuara për vlerësimin dhe certifikimin e tyre. Projekti synon të trajnojë dhe certifikojë 200–300 mentorë në kompani, duke siguruar që programet e AFP dual të mbështeten nga profesionistë të kualifikuar në vendin e punës.

Në të njëjtën kohë, projekti po punon për ndërtimin e një sistemi të qëndrueshëm përmes vlerësimit të kapaciteteve ekzistuese të institucioneve të AFP-së, si dhe hartimit të një manuali të zinxhirit të zbatimit dhe një plani për zhvillimin e kapaciteteve në nivel kombëtar. Këto instrumente do të përcaktojnë qartë rolet dhe përgjegjësitë e aktorëve kryesorë dhe do të mundësojnë institucionalizimin dhe shtrirjen e trajnimit të mentorëve në shkallë kombëtare.

Gjithashtu, po zhvillohet një program trajnimi për trajnerë (ToT), me synimin për të krijuar një grup prej rreth 100 profesionistësh të trajnuar, përfshirë trajnerë, master-trajnerë dhe staf administrativ, të cilët do të mbështesin zbatimin dhe qëndrueshmërinë afatgjatë të sistemit.

Në tërësi, projekti pritet të vendosë bazat për një qasje më të strukturuar, të koordinuar dhe të qëndrueshme ndaj mentorimit në kompani brenda sistemit të AFP dual, duke kontribuar në rritjen e cilësisë së formimit profesional dhe në përafrimin më të mirë me kërkesat e tregut të punës.

Partnerët dhe Palët e Përfshira

Takimet përfshinë aktorë nga sektori publik dhe privat, të cilët do të luajnë një rol vendimtar në zhvillimin e projektit dhe arritjen e rezultateve:

• Dhomën e Tregtisë dhe Industrisë Tiranë – përfaqësim i biznesit dhe promovim i bashkëpunimit me kompanitë logjistike.
• Institutin e Logjistikës – ekspertizë akademike dhe teknike në zinxhirin e furnizimit.
• Ministrinë e Infrastrukturës dhe Transportit – koordinim i politikave dhe infrastrukturës së transportit.
• Ministrinë e Bujqësisë – integrimi i logjistikës në sektorin agroushqimor.
• Kompani logjistike si Dimant Logistics – përfshirja e praktikave të biznesit dhe inovacionit në terren.

Partnerët do të angazhohen në promovimin e inovacionit dhe transferimin e teknologjive, mbështetjen e praktikave të gjelbra dhe të qëndrueshme, ndërkombëtarizimin e SME-ve, shkëmbimin e njohurive dhe të dhënave, si dhe organizimin e eventeve, trajnimeve dhe networking-ut. Ata do të japin kontributin e tyre në mirëmbajtjen e platformave dhe aplikacioneve digjitale, përfshirë e-Networking & Business Support Platform, si dhe dy aplikacione smart: “Warehouses & Logistic Centers” për lidhjen supply–demand dhe “Optimal Route Planner” për optimizimin e rrugëve të SME-ve.

Rëndësia e projektit

Ky projekt merr një rëndësi të veçantë duke pasur parasysh gjendjen aktuale të infrastrukturës logjistike në rajon. Takimet konsultuese të projektit Intercluster janë baza strategjike për suksesin e iniciativës. Ato krijojnë një rrjet bashkëpunimi, harmonizojnë praktikat më të mira dhe fuqizojnë kapacitetet lokale, duke kontribuar jo vetëm në zhvillimin logjistik, por edhe në stabilitetin gjeopolitik, zhvillimin ekonomik dhe shkëmbimin kulturor të vendeve pjesëmarrëse.

Parimet kryesore strategjike

Për të arritur rezultatet e synuara, projekti mbështetet në disa parime strategjike:

1. Investime të koordinuara – krijimi i infrastrukturës multimodale dhe inteligjente për transportin dhe magazinimin.
2. Zhvillimi i lidhjeve të “kilometrit të fundit” – optimizimi i transportit për të arritur konsumatorin final në mënyrë efikase.
3. Logjistikë me emisione të ulëta – reduktimi i ndikimit mjedisor dhe promovimi i qëndrueshmërisë.
4. Bashkëpunim ndërsektorial – integrimi i biznesit, akademisë, sektorit publik dhe shoqërisë civile për rezultate të qëndrueshme.

Synimet dhe efektet e projektit

Ky projekt synon të krijojë një ekosistem logjistik gjithëpërfshirës dhe të qëndrueshëm, duke fuqizuar SME-të, promovuar digjitalizimin dhe përmirësuar aksesin ndërkombëtar të firmave në rajonin ADRION. Bashkëpunimi i ngushtë midis biznesit, akademisë dhe institucioneve publike pritet të vendosë bazat për një sektor logjistik modern, konkurrues dhe të integruar.

Në të njëjtën kohë, iniciativat e projektit do të ndikojnë në mënyrë të tërthortë në zhvillimin gjeopolitik, ekonomik dhe kulturor të rajonit, duke rritur stabilitetin politik, konkurrencën ekonomike dhe shkëmbimin profesional dhe kulturor ndërmjet vendeve pjesëmarrëse. Ky kombinim i strategjisë logjistike me qëllime më të gjera rajonale e bën Intercluster një projekt kyç për zhvillimin e koordinuar dhe afatgjatë të rajonit ADRION.

Njoftim mbi shpalljen e fituesit për ofrimin e shërbimit të akomodimit me mëngjes dhe darkë

Qendra për Aftësi Konkurruese, në kuadër të projektit “Bazat për sukses: Fuqizimi i të rriturve përmes aftësive themelore”, shpall përfundimin e procedurës së vlerësimit të ofertave për tenderin me objekt “Ofrimi i shërbimit të akomodimit me mëngjes dhe darkë”.

Pas thirrjes më datë 15/12/2025 dhe pranimit të tre ofertave të vlefshme nga subjektet ekonomike, Komisioni i Vlerësimit të Ofertave ka shqyrtuar dokumentacionin dhe ofertat financiare të dorëzuara konform termave të referencës dhe afateve të përcaktuara.

Në përfundim të vlerësimit, duke u bazuar në kriterin “oferta më e favorshme ekonomikisht”, si dhe cilësinë e shërbimit të ofruar, fitues i procedurës shpallet subjekti ekonomik Sky Hotel.

Faleminderit të gjithë operatorëve ekonomikë që shprehën interesin dhe dorëzuan ofertat e tyre.

Lënda: Thirrje Interesi për ofrimin e shërbimeve të akomodimit me mëngjes dhe darkë në kuadër të projektit “Bazat për sukses: Fuqizimi i të rriturve përmes aftësive themelore”

Referenca e projekti: “Bazat për sukses: Fuqizimi i të rriturve përmes aftësive themelore”, Qendra për Aftësi Konkurruese, Bashkia Tiranë, financuar nga Bashkimi Evropian dhe zbatuar nga PNUD Shqipëri, Zyra Publike Suedeze e Punësimit dhe Fondacioni Shqiptar për të Drejtat e Personave me Aftësi të Kufizuara (FSHDPAK), në partneritet me Agjencinë Kombëtare të Punësimit dhe Aftësive (AKPA).

Në kuadër të projektit “Bazat për sukses: Fuqizimi i të rriturve përmes aftësive themelore”, Qendra për Aftësi Konkurruese (anglisht: Centre for Competitive Skills) shpall thirrjen për ofrimin e shërbimeve të akomodimit, përfshirë mëngjesin dhe darkën për periudhën janar – maj 2026, për pjesëmarrësit e aktivitetet e trajnimit dhe workshop-it që do të zhvillohen.

Shërbimet do të ofrohen për një total maksimal prej 22 personash, sipas kategorive të mëposhtme të dhomave:

• Dhoma teke
• Dhoma dopjo
• Dhoma për tre persona

Akomodimi duhet të përfshijë fjetje, mëngjes dhe darkë.

Shërbimet do të ofrohen sipas një kalendari të përcaktuar nga CCS, në bazë të ditëve dhe numrit të pjesëmarrësve për secilin aktivitet gjatë periudhës janar – maj 2026. Sasia e përmendur është maksimale dhe e shpërndarë në disa aktivitete, sipas nevojave të projektit.

Procedurat e aplikimit:

Aplikimet duhet të jenë në shqip ose anglisht dhe të përmbajnë ofertën financiare. Kandidatët e interesuar janë të ftuar të dorëzojnë aplikimet e tyre në adresën e emailit: info@competitiveskills.org, ose pranë zyrave të organizatës, ku oferta të jetë e vendosur në një zarf të mbyllur, ku të specifikohet:

1. Emri i aplikantit të interesuar
2. Adresa e aplikantit të interesuar;
3. Fjalët “Mos të hapet përpara fazës së hapjes së ofertave të tenderit”

për projektin “Bazat për sukses: Fuqizimi i të rriturve përmes aftësive themelore”, në adresën e mëposhtme:

QENDRA PËR AFTËSI KONKURRUESE

Adresa: Rruga “Shyqyri Bërxolli”, pallati Aurora, kati 7, ap.28, Tiranë, Shqipëri

Aplikimet pranohen deri më 15.01.2026 brenda orës 15:00. Do të shqyrtohen vetëm aplikimet që mbërrijnë brenda këtij afati.

Për më shumë informacion mbi dosjen e plotë të tenderit si dhe kërkesave dhe afateve të kohëzgjatjes së kontratës, referojuni Termave të Referencës së publikuar këtu në website, apo kërkoni një informacion më të plotë rreth dosjes së tenderit në adresën elektronike në vijim: info@competitiveskills.org.

Njoftim mbi shpalljen e fituesit për ofrimin e shërbimit të transportit ndërqytetas për pjesëmarrësit

Qendra për Aftësi Konkurruese, në kuadër të projektit “Bazat për sukses: Fuqizimi i të rriturve përmes aftësive themelore”, shpall përfundimin e procedurës së vlerësimit të ofertave për tenderin me objekt “Ofrimi i shërbimeve të transportit ndërqytetas për pjesëmarrësit”.

Pas publikimit të thirrjes më datë 02/06/2025 dhe pranimit të tre ofertave të vlefshme nga subjektet ekonomike. Komisioni i Vlerësimit të Ofertave ka shqyrtuar dokumentacionin dhe ofertat financiare të dorëzuara konform termave të referencës dhe afateve të përcaktuara.

Në përfundim të vlerësimit, duke u bazuar në kriterin “oferta më e favorshme ekonomikisht”, si dhe cilësinë e shërbimit të ofruar, fitues i procedurës shpallen subjektet ekonomike Brothers Trans për Tiranën dhe Kopliku Travel për Shkodrën.

Faleminderit të gjithë operatorëve ekonomikë që shprehën interesin dhe dorëzuan ofertat e tyre.

Në fazën e dytë të projektit, Sistemi i Paralajmërimit të Hershëm (SPH) dhe programet e të Nxënit Socio-Emocional (SEL) do të vijojnë të zbatohen në 12 shkolla të arsimit profesional në rajonet e Tiranës, Vlorës dhe Shkodrës në Shqipëri. Kjo fazë ka për qëllim të konsolidojë dhe zgjerojë rezultatet e arritura në fazën e parë, duke reduktuar në mënyrë të qëndrueshme normat e braktisjes dhe duke adresuar sfidat që lidhen me të rinjtë jashtë arsimit, punësimit dhe trajnimit (NEET).

Projekti do të përqendrohet në zhvillimin e kapaciteteve të stafit pedagogjik dhe strukturave mbështetëse përmes trajnimeve të avancuara dhe mentorimit të vazhdueshëm mbi zbatimin e SPH dhe SEL. Synohet trajnimi i 250 mësuesve dhe punonjësve arsimorë dhe vijimi i punës së bashku për të krijuar strategji gjithëpërfshirëse për mbështetjen e nxënësve në rrezik, si dhe për të hartuar plane individuale të parandalimit të braktisjes.

Një tjetër fokus i fazës së dytë është fuqizimi i pronësisë institucionale dhe qëndrueshmërisë së ndërhyrjeve përmes dhënies së granteve të vogla për shkollat, për zbatimin e projekteve komunitare të parandalimit të braktisjes, të bazuara në nevojat dhe idetë e komunitetit shkollor.

Implementimi i Sistemit të Paralajmërimit të Hershëm dhe i programeve të të Nxënit Socio-Emocional fuqizon kapacitetet e shkollave për të identifikuar dhe mbështetur nxënësit në rrezik, duke krijuar një mjedis mësimor më gjithëpërfshirës dhe mbështetës. Kjo ndërhyrje i përgjigjet nevojës për një arsimit profesional më të qëndrueshëm, të lidhur ngushtë me nevojat e tregut dhe shoqërisë.

Ky projekt realizohet në bashkëpunim të ngushtë me aktorë kyç institucionalë, si Agjencia Kombëtare e Arsimit Profesional (AKPA) dhe AKAFPK.

Rezultatet e pritshme:

• Trajnimi dhe mentorimi i mbi 250 punonjësve arsimorë për SPH dhe SEL
• Zhvillimi i planeve individuale të parandalimit të braktisjes për nxënësit në rrezik
• Zbatimi i strategjive gjithëpërfshirëse për mbështetjen e nxënësve në risk
• Integrimi i SPH në vetëvlerësimin dhe procesin e akreditimit të shkollave
• Fuqizimi i bashkëpunimit institucional me AKPA, AKAFPK dhe aktorë të tjerë
• Dhënia e granteve të vogla për shkollat për zbatim projektesh komunitare

Përfituesit:

• +250 punonjës arsimorë të trajnuar dhe mentoruar (mësues të lëndëve të përgjithshme dhe profesionale, psikologë, punonjës socialë, drejtues shkollash)
• Nxënës të shkollave profesionale në rrezik braktisjeje, të përfshirë në plane individuale dhe aktivitete mbështetëse
• Institucione publike (AKPA, AKAFPK) me kapacitete të forcuara për integrimin e SPH/SEL në sistem

Dokumentet të krijuara,  mbi të cilat do të mbështetet projekti:

• Kurrikula të trajnimeve për SPH dhe SEL
• Manuali i trajnimit dhe zbatimit të sistemit
• Instrumente për vetë-monitorim dhe vlerësim të cilësisë së zbatimit në shkolla
• Paketa model për projekte shkollore me fokus SPH dhe SEL
• Mekanizmi financiar për shpërndarjen e granteve të vogla

Arritje të parashikuara:

• Zhvillimi i një modeli funksional dhe të transferueshëm për zbatimin e SPH dhe SEL në arsimin profesional
• Krijimi i strukturave të qëndrueshme brenda shkollave për të identifikuar dhe mbështetur nxënësit në rrezik largimi
• Rritja e frekuentimit dhe përmirësimi i mirëqenies emocionale dhe akademike tek të rinjtë në shkollat profesionale
• Zhvillimi i bashkëpunimit institucional me qasje të koordinuar mes shkollave dhe autoriteteve kombëtare të arsimit professional

Trajnimi përfshin zhvillimin e një qasjeje praktike dhe të zbatueshme për përgatitjen dhe vlerësimin e mentorëve, formimin hyrës të 15 mësuesve të AFP-së si instruktorë kryesorë, si dhe certifikimin e 40 mentorëve nga kompanitë pjesëmarrëse. Kjo ndërhyrje synon të kontribuojë në ndërtimin e një modeli kombëtar të trajnimit të mentorëve në ndërmarrje, si pjesë integrale e AFP-së duale në Shqipëri.

Përgatitja e mentorëve në ndërmarrje për AFP-në duale në Shqipëri, e zbatuar nga Qendra për Aftësi Konkurruese, mbështetet nga Fondi për Sfida Rajonale, një instrument i Forumit të Investimeve të Dhomave të Ballkanit Perëndimor 6 (WB6-CIF), me qëllim nxitjen e bashkëpunimit midis sistemit të arsimit profesional dhe sektorit privat në rajon.

Periudha: Mars – Prill 2025.

Qëllimi i këtij programi është të forcojë komponentin e të nxënit në vendin e punës në arsimin profesional dual, përmes trajnimit dhe certifikimit të mentorëve në ndërmarrje dhe ndërtimit të një modeli të qëndrueshëm trajnimi të bazuar në bashkëpunimin mes arsimit dhe biznesit.

Rezultatet e pritshme të trajnimit janë:

• Zhvillimi i një qasjeje pragmatike dhe të thjeshtë për trajnimin dhe vlerësimin e mentorëve në ndërmarrje, që përfshin modulet dhe rezultatet e të nxënit të përcaktuara në kurrikulën zyrtare të dhjetorit 2024 (Kodi: PK-Y-3-24);
• Formimi i një ekipi prej 15 mësuesish të AFP-së si trajnerë të mentorëve, të cilët do të jenë të aftë të zhvillojnë dhe zgjerojnë më tej trajnimin e mentorëve në ndërmarrje;
• Trajnimi dhe certifikimi i 40 mentorëve të kualifikuar në ndërmarrje, të përzgjedhur nga kompanitë partnere, të cilët do të mbështesin procesin e të nxënit në vendin e punës në kuadër të pilotimit të AFP-së duale për vitin akademik 2024/2025;
• Përmbledhja dhe dokumentimi i mësimeve të nxjerra nga implementimi i masës së trajnimit, duke ofruar rekomandime konkrete për përmirësimin dhe zgjerimin e modelit të trajnimit të mentorëve, në mënyrë që ky model të integrohet si pjesë thelbësore e sistemit kombëtar të AFP-së duale në Shqipëri.

Pse është i rëndësishëm ky projekt?

Ky projekt ka rëndësi të veçantë për përmirësimin e lidhjes midis arsimit profesional dhe nevojave reale të tregut të punës në Shqipëri. Duke trajnuar dhe certifikuar mentorët në ndërmarrje, ai forcon elementin praktik të arsimit dual, duke ndihmuar të rinjtë të fitojnë aftësi të kërkuara dhe përvojë reale pune. Përmes kësaj iniciative, krijohen mundësi më të mëdha për punësim të qëndrueshëm dhe për zhvillimin e kapaciteteve të ndërmarrjeve dhe institucioneve arsimore, duke kontribuar në zhvillimin ekonomik dhe social të vendit.

Përshkrimi i punës dhe përgjegjësitë:

• Mbështetja në zbatimin e aktiviteteve të projektit, duke përfshirë monitorimin dhe vlerësimin.
• Menaxhimi i dokumentacionit të përditshëm të zyrës, përfshirë arkivimin dhe përgatitjen e materialeve të ndryshme.
• Planifikimi dhe organizimi i takimeve të brendshme dhe të jashtme, duke përfshirë përgatitjen e agjendave dhe marrjen e shënimeve.
• Mbështetja e stafit të projektit dhe drejtuesve të zyrës në detyra administrative dhe operacionale.
• Ndihmon Koordinatorin e Programit në zbatimin e aktiviteteve të projektit, duke përfshirë planifikimin, logjistikën, monitorimin dhe vlerësimin.
• Ndihmon në zhvillimin e raporteve të projektit, propozimeve dhe materialeve të tjera të shkruara sipas nevojës.
• Asiston në menaxhimin e platformave tona të rrjeteve sociale (Facebook, Instagram, LinkedIn), duke përfshirë krijimin dhe planifikimin e postimeve, përgjigjen ndaj mesazheve dhe komenteve dhe monitorimin e analizave.
• Bashkëpunim me ekipin për të zhvilluar dhe mbajtur marrëdhënie me palët e interesuara, duke përfshirë donatorët, partnerët dhe organizatat e tjera.
• Udhëheq planifikimin, zbatimin dhe mbylljen e projekteve sipas objektivave, buxhetit dhe afateve të miratuara nga donatori/organizata. 
• Detyra të tjera që mund t’i caktohen për mbarëvajtjen e punëve në zyrë, projekteve, si dhe menaxhimin e rrjeteve sociale.

Kriteret dhe aftësitë e kërkuara:

• Diplomë Bachelor në një fushë që i përket përshkrimit të pozicionit (ekonomik, finance, manaxhim, shkenca natyrore, etj.) ose përvojë pune ekuivalente. Diplomë Master është e preferueshme.
• Përvoja e mëparshme në administrim zyre ose role të ngjashme.
• Aftësi të shkëlqyera organizative, menaxhuese dhe të zgjidhjes së problemeve.
• Njohuri të mira në përdorimin e platformave të rrjeteve sociale dhe aftësi për të menaxhuar përmbajtje në këto platforma.
• Aftësi shumë të mira të komunikimit verbal dhe të shkruar në gjuhën shqipe dhe në anglisht.
• Aftësi për të punuar në mënyrë të pavarur dhe në ekip, për të marrë iniciativa dhe për të menaxhuar shumë detyra njëkohësisht.
• Përkushtim ndaj detajeve dhe aftësi për të punuar në mënyrë efektive nën presion të afateve.
• Njohuri mbi programe të ndryshme kompjuterike, kryesisht Microsoft Office, OneDrive;

Kushtet e punësimit: 

Ky pozicion është i vendosur në zyrën e CCS-së në Tiranë, dhe përfshin edhe udhëtime në rrethe te ndryshme pjesë e projektit.

Kandidatët e interesuar, duhet të dërgojnë me e-mail CV-në, si dhe dokumente mbështetëse të kualifikimeve/diplomave.

Afati për të aplikuar për pozicionin e Asistentit të Zyrës dhe të Projektit është data 21 Gusht 2025. CV dhe dokumentet shoqëruese duhet të dërgohen në adresën e email-it info@competitiveskills.org , nën subjektin “Aplikim për Asistent Projekti”, ose në zyrën tonë me adresë: në Rr. “Shyqyri Bërxolli”, pallati Aurora, Kati 7, Tiranë Shqipëri, brenda afatit të përcaktuar. Kandidatët e përzgjedhur për intervistë do të njoftohen deri më 28 Gusht 2025.

Njoftim mbi shpalljen e fituesit për ekspertë për mentorimin dhe motivimin e pjesëmarrësve

Qendra për Aftësi Konkurruese, në kuadër të projektit “Bazat për sukses: Fuqizimi i të rriturve përmes aftësive themelore”, shpall përfundimin e procedurës së vlerësimit të ofertave për tenderin me objekt “Ekspertë për motivimin dhe mentorimin e pjesëmarrësve”.

Pas publikimit të thirrjes më datë 23/06/2025 dhe pranimit të ofertave të vlefshme, Komisioni i Vlerësimit të Ofertave ka shqyrtuar dokumentacionin dhe ofertat financiare të dorëzuara konform termave të referencës dhe afateve të përcaktuara.

Në përfundim të vlerësimit, duke u bazuar në kriteret vlerësuese, fitues të procedurës shpallen:

1. Znj. Arvanita Mlloja
2. znj. Fatmira Kraja;
3. Z. Jurgen Gjoka;
4. Znj. Klotilda Koka
5. Znj. Marina Topulli;
6. Z. Sajmir Muka
7. Znj. Sindi Zmijanej dhe
8. Znj. Stela Kurtaj.

Faleminderit të gjithë ekspertëve që shprehën interesin dhe dorëzuan ofertat e tyre.

Lënda: Thirrje Interesi për ekspertë për mentorimin dhe motivimin e pjesëmarrësve në kuadër të projektit “Bazat për sukses: Fuqizimi i të rriturve përmes aftësive themelore”

Referenca e projektit: “Bazat për sukses: Fuqizimi i të rriturve përmes aftësive themelore”, Qendra për Aftësi Konkurruese, Bashkia Tiranë, financuar nga Bashkimi Evropian dhe zbatuar nga PNUD Shqipëri, Zyra Publike Suedeze e Punësimit dhe Fondacioni Shqiptar për të Drejtat e Personave me Aftësi të Kufizuara (FSHDPAK), në partneritet me Agjencinë Kombëtare të Punësimit dhe Aftësive (AKPA).

Në kuadër të projektit “Bazat për sukses: Fuqizimi i të rriturve përmes aftësive themelore”, Qendra për Aftësi Konkurruese (anglisht: Centre for Competitive Skills) shpall thirrjen për përzgjedhjen e ekspertëve për mentorimin dhe motivimin e pjesëmarrësve për nevojat e projektit, sipas detajimit më poshtë:

Ekspertët do të angazhohen gjatë periudhës gusht 2025 – maj 2026 dhe do të jenë përgjegjës për:

• Zhvillimin e punëtorive motivuese për të rritur vetëbesimin, vetë-disiplinën dhe dëshirën për të ndjekur punësimin apo arsimin;
• Lehtësimin e sesioneve interaktive si role-playing, sfida në grup dhe ushtrime reflektuese për zhvillimin e aftësive të buta si komunikimi, puna në ekip dhe qëndrueshmëria;
• Ofrimin e mentorimit të personalizuar për mbështetjen e vendosjes së objektivave dhe planifikimit për të ardhmen;
• Angazhimin në monitorim dhe dhënie feedback-u të vazhdueshëm, përfshirë mbështetjen në terren gjatë trajnimeve dhe sesione të strukturuara feedback-u pas çdo raundi;
• Bashkëpunimin me ekipin më të gjerë të mbështetjes për të siguruar përputhje mes ndërhyrjeve psikologjike, arsimore dhe motivuese.

Ekspertët e mentorimit dhe motivimit do të udhëheqin punëtori motivuese dhe sesione mentorimi me grupe prej 20–25 pjesëmarrësish, përgjatë tre raundeve. Këto sesione, të zhvilluara gjatë 7 ditëve për secilin grup, do të fokusohen në rritjen e motivimit, vetëdijes dhe aftësive të buta të pjesëmarrësve, si për zhvillimin personal ashtu edhe për atë profesional.

Kriteret profesionale të ekspertit të kërkuar janë si në vijim:

• Diplomë universitare në fushat: edukim, shkenca sociale, ekonomi, teknologji, mjedis, psikologji ose fusha të ngjashme. Diploma në fusha të tjera mund të pranohen nëse shoqërohen me përvojë të dokumentuar në fushën e mentorimit, motivimit dhe/ose trajnimet për të rritur.
• Eksperiencë e mëparshme me mentorimi dhe motivimin e grupeve të të rinjve, të papunëve, ose individëve në procese tranzicioni (arsim–punë).
• Njohuri të mira të metodologjisë së të nxënit për të rritur dhe grupe vulnerabël.
• Aftësi për të punuar në mënyrë bashkëpunuese me ekipe ndërdisiplinore (psikologë, këshilltarë karriere, trajnerë etj.).
• Kualifikime shtesë në trajnime motivuese, life coaching, mentorim ose fasilitim janë avantazh.

Dosja e plotë e aplikimit duhet të përmbajë:

•             CV-në në shqip ose anglisht

•             Ofertë financiare

Procedurat e aplikimit:

Aplikimet duhet të jenë në shqip ose anglisht dhe të përmbajnë CV dhe ofertën financiare. Kandidatët e interesuar janë të ftuar të dorëzojnë aplikimet e tyre në adresën e emailit: info@competitiveskills.org, ose pranë zyrave të organizatës, ku oferta të jetë e vendosur në një zarf të mbyllur, ku të specifikohet:

1. Emri i aplikantit të interesuar
2. Adresa e aplikantit të interesuar;
3. Kodi i referencës për procedurën e sipër-përmendur të tenderit/pozicionin e aplikimit
4. Fjalët “Mos të hapet përpara fazës së hapjes së ofertave të tenderit”

për projektin “Bazat për sukses: Fuqizimi i të rriturve përmes aftësive themelore”, në adresën e mëposhtme:

QENDRA PËR AFTËSI KONKURRUESE

Adresa: Rruga “Shyqyri Bërxolli”, pallati Aurora, kati 7, ap.28, Tiranë, Shqipëri

Aplikimet pranohen deri më 15.08.2025, brenda orës 15:00. Do të shqyrtohen vetëm aplikimet që mbërrijnë brenda këtij afati.

Për më shumë informacion mbi dosjen e plotë të tenderit si dhe kërkesave dhe afateve të kohëzgjatjes së kontratës, referojuni Termave të Referencës së publikuar këtu në website, apo kërkoni një informacion më të plotë rreth dosjes së tenderit në adresën elektronike në vijim: info@competitiveskills.org.

Njoftim mbi shpalljen e fituesit për ekspertë për mentorimin dhe motivimin e pjesëmarrësve – Center For Competitive Skills